Kishton Mein Hai Zindagi

Anb says :-
"" Sard hawaon ka rukh hai bheetar, Shama bujhni nahi chahiye......
Ummeed to kho di hai thak kar, Shaam dhalni nahi chahiye......
Do pal ko ruk jaate hain thoda, thahar lete hain ab hum bhi...
Waqt se haar gaye hai maana, Der kyu na ho manzil sahi chahiye....

Kabhi jeete hain kabhi marte hain, Har pal bas kat hi jata hai....
Har do kadam par saathi, saath chhod jata hai....
Raiteele kinaro par naam sahi, mitna nahi chahiye.....
To kya hua KISHTON MEIN HAI ZINDAGI, bas katni nahi chahiye......

Hum chhod aaye melon ko, bachkaane un khelon ko.....
Kashm-a-kash hume kisi anjaane doraah par laayi hai.....
Aaye ho aage ab is mod par, to mudna bhi zaroor chahiye......
Zindagi khaakh hi sahi, Khaakh me milni nahi chahiye..........""