Kehta Hai Chaand Mujhse.....

          Kehta Hai Chaand Mujhse.....

                                                                      

Tanha-Tanha rehta hoon, bheed mein khoya rehta hoon.....
      Akela baitha gumsum sa, Beete lamhon ko sanjoya rehta hoon.....
Kabhi-kabhi sochta hoon, Kyun door ho gaya tujhse.....
      Sachchai hai ki sahi yahi hai, Kehta hai chaand mujhse..... 
 
Wo bhi taaron ke beech hota hai,
     Andhiyaare aansoo rota hai.....
Koi samajhta nahi akelapan uska,
     Fir bhi akelapan hota hai.....
Badhta hai fir ghatta hai,
     Tees baithi hai dil mein uske.....
Baadalon me chhup jaata hai,
      Par hota hai ye hota hai..... 
 
Haal hamara bhi kuch aisa hai,
     Aankhon mein kuch-kuch tere jaisa hai.....
Ashq kahoon ya angara ise,
     Kya sab kuch pehle jaisa hai..... 
 
Hadein jaanta hoon apni main, Par reh nahi paate door tujhse.....
     Kyun baawra bana firta hai tu, kehta hai chaand mujhse..... 
 
Tanhaai ko saathi banaya hai 'Ansh' ne, pyaar hai shayad khafa mujhse.....
      Juda kar diya tujhse khudse, par juda nahi hai tu mujhse.....
Kho jaata hoon barbas hi main, is muflisi ko ishq jo hai mujhse.....
      Bhool kar bhi bhool na paaya tu use, kehta hai chaand mujhse.....