Shaam Dhalne ko hai...

Shaam Dhalne ko hai...

Suraj madhdham ho raha hai shama jalne ko hai.....

Ek lambe intezaar ke baad suraj aur dharti milne ko hai....

Jald hi ye roshni bhi ojhal ho jayegi....

Lo aaj fir ek haseen shaam dhalne ko hai.....

Toot jati hai chehal-pehal,sunnata sunai deta hai.....

Ek saaya ghanghor andhere me har our dikhaai deta hai.....

Shama jo jalayi thi tab,ab toh pighalne ko hai....

Ek muddat ke baad aaj,ek haseen shaam dhalne ko hai.....

Ab to khushi waar de....

Ab to khushi waar de....

Murajhte phool ko jaise hawa tak raas na aayi.....

Khule aakash ke neeche tanik bhi saans na aayi..........

Hua hai haal aisa ye na jaane kab kahan kaise.....

Ho shayad maut hi aaye jo ab tak tu nahi aayi...........

Ho kho diya jo kisiko to aur kaisa ye khumaaar de....

Ab bhi ho jaan baaki mujhme, to shauk se maar de.............

Ho ek pal bhi tera mere liye to janemann....

Ek pal ko hi sahi, ab to khushi vaar de............

Jo mujhme tu hai tujhme main, to chhipna kya chhipaana kya.....

Ho meri jaan jo tujhme to kisse bach kahan jana.............

Ghuma jo pyaar ki kashti ka sahil hai kahin mujhse.....

To chahun bhi pata na hai ki aakhir hai kahan jaana............

Patjhadd beet gaya hai ab toh phoolon ki bahaar de.....

Kai meel tair aaya hu ki shayad ab to tu pyaar de................

Hua ho khatm tera zulm toh ab toh maan le meri......

ARDAAS hai tujhse bas ye, ab to khushi waar de.................

Is raat ki subhaa hi nahi.....

Is raat ki subhaa hi nahi.....

Asal zindagi se door khwaabon mein, hum hain to sahi.....

Kashti ko is bhanwar mein koi chhor, dikhe to sahi..................

Khule aasmaan mein baithe hain subhaa ke intezaar mein.....

Lagta hai ki shayad is raat ki subhaa hi nahi..................

Pal-pal sannaate badhte jaate hain in raahon mein.....

Kaafir ki kismat nahi hoti rukaawaton mein..................

Bas aage badh jana uski kismat ko bhaata hai.......

Chaahe guzarna bhi padhe jalte sehraaon mein...........

Har kadam ek naya safar laata hai jaano.....

Uspar chalna na chalna tumhari kismat hai maano..............

Jo chun hi loge kaanton bhari raah ae musaafir.....

Phool nahi bas kaante hi milenge maano ya na maano...........

Har ek manzar meri aankhon mein hai, bas yaadein hi nahi.....

Tum ashq na maano inhe bas ye paani hi sahi...............

Hazaaron ghumon mein bhi mehfil muskarahat maangti hai chahe.....

Koi chaahe na chaahe is raat ki subhaaa hi nahi..........................

Ek duaa aisi bhi.....

Ek duaa aisi bhi.....

Pal do pal ke is safar mein maine, khud ko ye kaisi sazaa di,,,,,,

Doob jo chuka baaton mein uski, khud ko ye wafa kaisi di......,,,,,,.......

Ab hosh nahin rehta ik pal bhi jeene ka na jaane kyun,,,,,,

Jaane anjaane tujhko maanga, khud ko ye duaa kaisi di.....,,,,,,,.......

Khokar tujhko paane sa lagta hai, khokar dekhoon kya,,,,,,

Jo khoya shayad paa na paun, paakar dekhoon kya......,,,,,,,.......

Mera har shabd tujhe hi kehta hai, sunkar dekh le,,,,,,

Jo paakar hi tujhe kho doon, toh meri duaa hi hai fir kya......,,,,,,......

Tujhko teri chaahat par aitbaar to nahi, waise bhi,,,,,,

Meri nigaah na dikha dein tujhe chehra tera, kaise bhi......,,,,,,,.......

Jo samjhegi tu haal mera kahin kho hi naa doon tujhko,,,,,,

Chaahat chhip jaye tujhse meri, yahi hai "EK DUAA AISI BHI......,,,,,,,........"

Gumnaam Chaahat....

Gumnaam Chaahat....

Ek kissa hai bachkana sa, jana sa pehchaana sa,,,,,

Do samajhdaar nadanon ki, baaton ka mastana sa.....,,,,,.....

Ek soch zara bachkaani si,sharmaati si ghabraati si,,,,,,

Do nazrein milti hain jab, sakuchaai si halkaai si.....,,,,,.....

Sahsa jhuk jaati hain fir, kahin bayaan na kar dein haal-e-dil,,,,,

Ye soch sapne sajane ki,ki shayad kahin wo jayein mil.....,,,,,.....

Din-rain nazar wo aate hain, pal bhar mein hain pal mein ojhal,,,,,

Kyun itna wo ghabraatein hain, ek pal ko sahi wo jaayein mil.....,,,,,.....

Toh kar doon bayaan kya aaj unhe, hai dil mein kya wo chaahein to,,,,,

Na kahein magar ek chhota sa, ek mand ishaara dikhlaayein to.....,,,,,.....

Fir rukta hoon aur pal bhar mein, Ek ghabrahat si aa jati hai,,,,,

Ojhal ho jata hoon nazron se, Khwaahish hai toh par mar jaati h.....,,,,,.........

Kuch Badal Raha hai...

   Kuch Badal Raha Hai....

Khuli aankhon se meri ek sapna pal raha hai,,,,,

Sookhe registaan mein jaise nanha ek phool khil raha hai.....,,,,,.....

Anjaana sa koi chehra mujhe khwaabon mein mil raha hai,,,,,

Sab pehle jaisa hai par shayad kuch badal raha hai.....,,,,,.....

Uthti nigaahein sab bhula deti hain mujhko,,,,,

Sab thehar jaata hai jab-jab, sunta hoon main tujhko.....,,,,,.....

Kaisi hai ye aarzoo kaisi hai ye chaahat,,,,,

Bhool jata hoon main sab par nahin bhool pata tujhko.....,,,,,.....

Ek kasak si uthi hai dil mein, Pagal ye machal raha hai,,,,,

Sochta hai tujhko fir girta hai, shayad ab sambhal raha hai.....,,,,,.....

Ho gaya hai shayad tera, jo shayad kabhi mera dil raha hai,,,,,

Sab to hai pehle jaisa par shayad kuch badal raha hai.....,,,,,.............

Subah ki ek shaam......

Subab ki ek shaam.....




Doobta hai sooraj aur din dhalta hai....
Roshni ko cheerkar andhera palta hai......
Aane wale waqt ko dil se nikaal kar....
Samay ko cheerkar koi chhooti raah chalta hai.......

Mud-mud ke peeche koi khwaabon me gum jata hai....
Gir-gir ke koi chalna hi bhool jata hai.......
Aage itna badh chalta hai raahon par....
Ki manzil ki raah chhoot aur thikana gum jata hai.....

Dard ko jeekar khushi milti hai jab....
Baaton hi baaton mein ek sapna pal jata hai......
Andhere ko cheerkar wapas ek kiran se....
Kshitij se suraj fir nikal jata hai....

Subah ki dhoop mann prafullit kr deti hai....
Shaam ka andesha fir dil dukhaata hai.......
Dil fir taar-taar ho jata hai jab.....
 Roshni ko cheerkar fir andhera pal jata hai.......
 Roshni ko cheerkar fir andhera pal jata hai.......

Ek Daastaannn....

Ek Daastaan.....

Mere har pal, mere har din, meri har saans teri hai....

Jo tune mudh ke yun dekha ki ab ye jaan bhi teri hai.......

Ho chaahe tu khafa mujhse maine ye khud ko bola hai....

Bhale tu ho nahin meri magar tab bhi tu meri hai.......

Main yun roya ki kyun khoya magar tujhko na khounga....

Tha mere pyaar ka jo beej tere dil mein main bounga.......

Ho chaahe aankh mein mere nami is waqt tu sun le....

Main tere paas aaunga le mere sang jaunga.......

Jo chaahat ho nashe mein choor,usko kya hai samjhaana....

Jo aafat paal hi li ho to bachke fir kahan jaana.......

Kai jeete hai dil ke dard ke nasoor ko paake....

Mukaddar mein ho jo jalna, to shama se door kya jana.......

Wo meri baat sunti hai,mere ghum ko samajhti hai....

Na jaane kyun magar mujhko wo aise dekh hansti hai.......

Lagaye zakhm par malham wo mere khud ke haathon se....

Na dil samjhe na mann samjhe ki aisa kyun wo karti hai.......

Kahin aankhon mein paani hai, kahin har shaam rumani hai....

Yahan ek anth bhi nahin, wahan ek nayi kahani hai.......

Jo jeeta tha samete apne seene mein main patthar ko....

Bhulaya khud ko maine ab, bhale khud se bemaani hai............

Bhulaya khud ko maine ab, bhale khud se bemaani hai............

Haanthon mein to hai mere, lakeeron mein bhi aa ja.....

Haanthon mein to hai mere, lakeeron mein bhi aa ja.....






Zindagi mein hai meri, kismat mein bhi aa ja.....

Yaadon mein hai meri, baahon mein samaa ja.....

Doob chuka hoon tujhme, ab to mujhe dhoondh le.....

Haanthon mein to hai mere, lakeeron mein bhi aa ja.....

Ek din teri yaadon ko jo seene se lagaya.....

Bhool chuka tha sab kuch par tujhko na bhool paya.....

Na tadpa ab mujhe itna, paas tu bula le.....

Ae jaanejigar tujhe kasam hai meri ab seene se laga le.....

Behka tha iraadon se kasmon se vaadon se.....

Pighal gaya tha ye patthar ab pyaar ki barsaaton se.....

Kyun satati hai khwabon me itna, haqeeqat mein bhi aaja.....

Haanthon mein to hai mere, ab lakeeron me bhi aa ja.....

Shayad paas hi na aana tha, yahi hai ab sazaa meri.....

Yun na satane kisi ko yahi hai tujhse iltejaah meri.....

Toot gaya hoon main kahin bikhar na jaaye wo.....

Bach gaya hoon main, kahin mar na jaaye wo.....

Fir bhi ek aas hai, shayad sun le mera ye khwaja.....

Haanthon mein toh hai mere ab lakeeron mein bhi aaja.....

------------------------------------@@@@@@@@@@@@@@---------------------------------------

"BHOOLE KAHOON YA BHOOLE BISRE..."

    Bhoole kahun ya bhoole bisre.....
                               Kissa atteth ka sab batate hai.....
    Aur ek khamosh khayal bankar.....
                               Har raat ubhar kar aate hain.....
    Har cheez to chinn chuki hai.....
                               Aur tanhai bhi chheeni jaati hai.....
    Isi tarah har wqt chubhan ye.....
                               Ek kaskasahat laati hai.....
    Main peeche toh dekhta nahi.....
                               Beeta waqt hi aage aata hai.....
    Bhoole kahoon ya bhoole bisre.....
                                Sabhi kisse dohraata hai.....
    Tamanna toh hai aage badhne ki.....
                                 Kambakht kadam hi peeche hathte hain.....
    Aur fir kisi mod par humko.....
                                 Tanha ye kar dete hain.....
    Jab tanhai pasand aati hai.....
                                 To fir se wo chhin jaati hai.....
    Bhoole kahoon ya bhoole bisre.....
                                 Sabhi kisse dohraati hai.....
    Adhron se kuch na kahoon par.....
                                  Aankhein sab keh jaati hain.....
    Bas aage badhte jaate hain.....
                                   Fir kisson ko dohraate hain.....
    Aur tanha fir hum chalte hain.....
                                   Kuch socha nahi ab karte hain.....
    Bhoole kahoon ya bhoole bisre.....
                                   Muskurahatein ye de jaate hain....
    Kisi se kehte bhi nahi ab toh.....
                                   Bas  mann hi mann muskaate hain.............

Hakikat tum ban jao na....

     Soch nahi pata kuch ab.....
                           Khwaabon me tum aao na.....
     Dil hai khaali khaali mera.....
                           Par tum to isse jao na.....
     Muskaati ithlaati aankhon ko.....
                           Apni tum chhupao na.....
     Kabhi toh khwaabon se nikalkar.....
                           Haquiqat tum ban jao na........
     Kisi chhor par baitha hoon.....
                           Kashti tum ban jao na.....
     Is dard bhare dariya se mujhko.....
                           Us paar le jao na.....
     Aankhein band karoon to sapno mein.....
                           Aake yoon tadpao na.....
     Kabhi to khwaabon se nikal kar.....
                           Haquiqat tum ban jao na........
     Kyun karti ho mujhko.....
                           Pareshaan batlao na.....
     Kya raaz chhupaye baithi ho.....
                           Ab toh kuch samjhao na.....
     Dhadkane bhi badi hui hain.....
                           Ab to tum aa jao na.....
     Kabhi to khwaabon se nikalkar.....
                           Haquiqat tum ban jao na........
     Bachpani andaaz tumhara.....
                           Dil me ghar kar jaata hai.....
     Aur sunte hi aawaaz tumhari.....
                           Thahar saham sa jaata hai.....
     Bahut ooncha hu,udh raha main.....
                           Kahin kho main jaun naa.....
     Kabhi to khwaabon se nikalkar.....
                           Haquiqat tum ban jao na..........

Subaho shaam...

     Beete waqt ka kisse ek.....
                        Har zakhm taaza kar gaya.....
     Aur dhokhe me anjaane me.....
                        Ek sapna fir se sanwar gaya.....
     Tum kehti ho ki baatein beeti.....
                        Har zakhm naye kar jaati hai.....
     Par baaton ki ujli jaali.....
                        Sab paardarshita dikhlaati hai.....
     Har baar ruswa karo bhale.....
                        Har mehfil me hum seh lenge.....
     Par takleefon ke saath sada.....
                        Kehte hain hum bhi chal lenge.....
     Sochein laakhon humse tum.....
                        Khafa ho aaj lekin yeh.....
     Hum jhuthla ise bhi denge fir.....
                        Apna hi banake dum lenge.....
     Kehti nahi chupaati ho.....
                        Aur "ANSHU" ko samjhaati ho.....
     Chaahat kya hai dil ki yeh.....
                        Aankhon se tum keh jaati ho.....
     Aur ek magna muskuraahat se.....
                        Chup rehkar sab keh jaati ho.....
     Subah ho ya shaam dhale.....
                        Dil me ghar kar jaati ho.....
     Kaho to sajda kar doon main.....
                        Par kehti nahi ghabraati ho.....
     Aansu bhi honge janaae par.....
                        Ye bayaan-e-zuban main deta hoon.....
     Padh kar ise ab aankhon mein.....
                        Halka sa gussa aata ho.....
     To kehta hu main jaanejaan.....
                          Main bhi to kasoor waar hoon.....
     Aur sach kahoon to khidmat me.....
                          Mar mitne ko yaar hoon.....
     Aur sach kahoon to khidmat me.....
                          Mar mitne ko yaar hoon........

Kasoor

     Kisi naye sanwarte huye.....
                             Rishton ki ek dor se.....
     Samandar ke kisi kinaare ke.....
                             Machalte huye shor se.....
     Muskuraahat ke peeche chupe......
                             Aankhon ke suroor se.....
     Poocha tha kabhi kahin......
                              Maine is dil ki or se......
     In aankhon ki thi kya khata.....
                               Sab mera hi to kasoor hai.....
     Ki zakhm dil ka ye.....
                               Ban gaya nasoor hai.....
     Ki "ANSHU" ab to kehta hai.....
                               Aur soch samajh ke chalta hai.....
     Fir raahon mein milenge ab.....
                               Aur mud chala main door se.....
     Kai baar palatna chaha par.....
                               Na jaane kaisa yeh kasoor hai.....
     Ki kar deta fir door mujhe......
                               Aankhon ke us noor se.....
     Fir ek dhundhle se khayaal se.....
                                Beeti baatein bhool ke.....
     Door hi hota ja raha hoon.....
                                Aankhon ke mere noor se.....
     Fir paas kabhi na aa paunga.....
                                Mere apne kasoor se.....
     Aur chhod tumhe jaunga main.....
                                Door kahin is shor se.....
     Fir paas kabhi na aa paunga.....
                                Mere apne kasoor se..............
     Fir paas kabhi na aa paunga.....
                                Mere apne kasoor se..............

Maa....

     Ek hansti jo jaan hai meri.....
                     Jaan se bhi badhkar aan hai meri.....
     Jisne saare gam sahe par.....
                      Hamesha hamare saath rahi.....
     Kabhi na koi kami khali.....
                       Hamesha hamare sang chali.....
     Eeshwar se bhi badhkar hai jo.....
                       Zindagi jiske kadmon me ho.....
     Bina jiske hum bhi hote kahan.....
                       Wahi to hai meri pyaari MAA.....
     Thaama jisne girte girte.....
                       Ab hum hain ye socha karte.....
     Ki kyun na kar doon.....
                       Kadmon mein uske sajda.....
     Loriyon ke bina jiski.....
                        Neend hume na aati hai.....
     Mamta ki yahi moorat to.....
                        Sadiyon se maa kehlaati hai.....
     Uski aankhon mein aansu.....
                        Aate hi dil ro uthta hai.....
     Wahi to meri pyaari maa hai.....
                         Jiske liye ye dil dhadakta hai.....

Dedicated 2 u maa.......luv u alot............

Shabdon se lafzon tak....

     






     Aas yahi ardaas yahi hai.....
                                  Mere dil ki pyaas yahi hai.....
     Mil kar bhi tu mil na paayi.....
                                  Dil ko ye bas raas nahi hai.....
     Nazron ki shararatein ye.....
                                  Dil ko jhanjhod deti hain.....
     Jaane me anjaane mein.....
                                  Pagle , dil ko tod deti hai.....
     Beete lamhe yaad karoon to.....
                                  Khil khila main uthta hoon.....
     Aansuon ki syahi se fir.....
                                  Panne laakhon bhar deta hoon.....
     Kahin se fir aawaaz aati hai.....
                                  Mann  machalne lagta hai.....
     Paani ki is tadap ko.....
                                  Phool sa hi koi samajhta hai.....
     Ab khud ko na samjhaunga.....
                                  Aage likh na paunga.....
     Ek lambe aaram par ja raha hoon.....
                                  Shayad fir aa jaunga.....
     Likhte likhte thak gaya hoon.....
                                  Shabdon se kitna samjhaunga.....
     Shabdon ki baaton ko.....
                                 Ab lafzon se hi batlaunga.................

YE KHUSHI

     Paas hai ya door bahut wo.....
                     Kaash koi samjha de.....
     Khilkhilaun ya sisak uthu ab.....
                     Mujhe koi samjha de.....
     Tar hoon Khushiyon se main.....
                     Na koi daga ab de de.....
     Tar hoon aansuon se bhi.....
                      Koi to zara sehla de.....
     Kshitij hai ye ya sachchai hai.....
                      Ye khushi jo maine paayi hai.....
     Yaadon ke rainebasere se jo.....
                       Paas mere ab aayi hai.....
     Ye khushi hi meri jaan hai.....
                       Ab door na ye ja payegi.....
     Kitna bhi gum jaye par ab.....
                       Mere dar hi aayegi.....
     Kitna bhi gum jaye par ab.....
                       Mere dar hi aayegi.....

Ant ki aour....(To the end)

Jee raha tha,jee raha hoon aur jeeta jaunga.....
     Makhmali thokaron ko sehta bhi jaunga.....
Kas rahi hai tanhai mujhe apne ghere mein.....
     Kya karoon main,bas marta jaunga.....
Kashmakash bhi kaisi hai ye zindagi ki.....
     Sab paakar bhi sab kho diya hai.....
Chehre par nakli muskaan hai.....
     Par is dil ne ro diya hai.....
Kalam bhi chalna band ho rahi hai.....
     Mann ne bhi saath chhod diya hai.....
Aur is antim payaam ke saath.....
    "Ansh" ne shabdon ko chhod diya hai........

Kya yahi hai zindagi,,ha shayad yahi hai zindagi........

Machalte hua dil, tadapti huyi saansein.....
     Ankahe shabdon se abni, ankahi meri baatein..... 
 Dekhte hi dekhte ye raasta kho jaata hai.....
     Aur meri manzil ko anant par le jaata hai.....
Aisi kashmakash bhari zindagi me.....
     Ek kasmasaahat si hai meri chaahat.....
Ki uske paas hone par bhi.....
     Kahin kho jaati hai meri raahat.....
Chand sawaalon, chand jawaabon.....
     Chand khayaalon aur chand khwaabon se.....
Poochta hu aksar aur poochta hu kabhi-kabhi.....
     Kya yahi hai zindagi...Ha shayad yahi hai zindagi.....

Aankhein band to ek haseen khwaab hai.....
     Khuli aankhon me to motiyon ka rubaab hai.....
Ab bas tanhai ke saath is zindagi ko.....
     Bina kose bina tole jee raha hoon.....
 Saansein to shayad rehen ban gayi hain.....
     Mann aur dil to kahin bhool aaya hoon.....
Yaadon ke soone kaarwaan ko lekar.....
     Bhatka-sa bikhra-sa chal raha hoon.....
Chand yaadon chand baaton.....
     Chand maksad aur chand saanson se.....
Poochta hu aksar aur poochta hu kabhi-kabhi.....
     Kya yahi hai zindagi...Ha shayad yahi hai zindagi...................... 
        Kya yahi hai zindagi...Ha shayad yahi hai zindagi........................

Palak Jhapakte hi

                                









Kuch meethe alfaazon ke zariye.....
          Kuch meethi baatein kehta hoon.....
Kuch sunahare lamhon me khoke.....
          Unhe baaton me sanjote hoon.....

   Ki kaise muskuraahaton se sab chhoot jata hai.......
   Har ek nagma aur har ek taal, sab toot jaata hai.......

Kaise dhadkane sehami si jaati hain.....
           Wo chanchal muskurahat dikhte hi.....
Aur ojhal ho jaati hain.....
           Pal mein palak jhapakte hi.....
Fir is soch me doobe.....
           Ki palkein jhapki hi kyun.....
Na jaane kahaan kho gayi....
           Wo nazrein na jaane kyun.....

Yahi to hai zindagi.....
           Chalti ka naam gaadi..... 
Pal me dikhti aur pal mein ojhal hain......
           Pal mein pariyan saari.....
Par nazrein to rukti hain.....
           Un anjaan si aankhon par hi.....
Fir ojhal ho jaati hain.....
           Jo pal mein palak jhapakte hi.....

Haaye !!!! chashm-e-baddoor hai....

Shaayari khuli kitaab ki hai.....
             Ki band kahin kuch khwaab si hai.....
Un bolti aankhon mein chhipi.....
             Ya kisi khaamoshi si hai.....
Kisi duniya ki koi hoor hai.....
             Ya kisi ke khwaabon ki noor hai.....
Ki jo dekhe aur bas ye bole.....
             Ki haaye ! Chashm-e-baddoor hai.....

Mand muskurahat ke peeche na jaane.....
             Kya raaz chhipaya hai.....
Ki chaand ne dekha use.....
             Aur wo bhi sharmaya hai.....
Gazab si kashish hai shayad.....
             Jo kheench leti apni or hai......
Ki jo dekhe aur bas ye bole.....
             Haaye ! chashm-e-baddoor hai.....

Nidhaal se ho jaate hain.....
             Wo aks nazar jab aata hai.....
Aur chain dhyaan sab khota hai.....
              Jab dor chala wo jaata hai.....
Jab komal awaaz kuch kehti hai.....
             Lagta hai sab kahin door hai..... 
Ki jo dekhe aur bas ye bole.....
             Ki haaaye ! chashm-e-baddoor hai..... 

Tanhaai se door raha nahi jaata.....

mere frnz kehte h k meri poetries pakka meri lyfe pr hi hoti hongi wrna main itna kaise sochta hu...to unke liye ye ek toote dil ki poetry..ye b meri lagti h kya....???? :D:D:Dto ab ye sochiye k kaunsi meri lyfe ki hain aur kaunsi nahi......koi na koi to lyfe se hain hi....aur shayad ek se jada bhi.........

Dil ke jazbaat bataye nahi jaate.....
            Dard apna batana meri fitrat nahi.....
Aansu aakhir aaye kahaan se,dikhaaya nahi jaata.....
            Kisi ko rulana meri fitrat nahi.....
Yaadon ki kabragaah ko kureda nahi jaata.....
            Dard se roobaru hona meri kudrat nahi.....
Khushhaali ka mukhautaa hataya nahi jaata.....
            Ab tanhaai se door rehna meri chaahtat nahi.....

Khushi ke peeche chhupe gam ko samjhe.....
            Kisi dil mein itni taakat nahi.....
Tadapte huye dil ki kasak ko samjhe.....
            Kisi chitt me itni himaakat nahi.....
Siskiyon ke shor ko sun le.....
            Kisi ke kaano me itni shiddat nahi.....
Jhukhi huyi un nazron ko utha de.....
            Kisi dil mein aisi ibaadat nahi.....
Soche bina use raha kyun nahi jaata.....
            Dil me use paane ki ab shayad aas hi nahi.....
Khushhaali ka mukhautaa hataya nahi jaata.....
            Ab tanhai se door rehna meri fitrat nahi.......

Toota dil bhi judta hai.....
           Par use jodna meri khwaahish nahin.....
Paththar bhi rota to hai par.....
           Us rone ka koi mol nahi.....
Kehna to bahut kuch chaahta hu par.....
           Ab mujhe bhi kuch hosh nahin.....
Nam aankhein agar band hain meri.....
           To aise hi main behosh sahi.....
Khushi baatna chahta hu main.....
           Dukh dard se mere kisi aur ka naata nahi.....
In aankhon ki ojhal raushni me.....
           Kisi doosre aashiq ka koi khaata nahin.....
Kahi ro na padoon aise hi kabhi.....
           Tabhi aalam-e-dil saamne laata nahin.....
Khushhaali ka mukhautaa abhi na hatega kabhi.....
           Tanhaai se door ab mujhse raha jaata nahin...........
             Tanhaai se door ab mujhse raha jaata nahin........... 

Dosti Redefined...

Dosti badi khaas hai....
           Tabhi to dil ke paas hai....
Yaaro ka yeh saaz hai....
           Pyaara sa ehsaas hai.....
Sooni duniya soona sab.....
            Yaaro bina hai khaali sab.....
Dost dhoom hain dost dhamaal.....
            Sab mil jaaye bas ho jaaye kamaal.....
Yaaro di toli dhamachaukdi.....
            Music masti thodi thodi.....
Saath raho,kabhi inhe na khona.....
            Ek dost hi life me khara sona.....
Dost saath hi rehta hai.....
            Daga kabhi nahin deta.....
Ulti situation me mil jata hai.....
            Humko ek Readymade neta.....
Saath dena hardam......
             Dost sachcha saathi hai.....
Jiyo humesha dil se.....
             Dosti yahi sikhaati hai.........

Dosti....

Jab khwaab sawali hote hain.....
           Har baat khayaali hoti hai.....
Kuch raas nahin aata mann ko.....
           Ek saath tabhi mil jaata hai.....
Jab tanhaai paas hoti hai.....
           Jhaai nain tale jab hoti hai.....
Jo saath nazar tab aata hai.....
           Wahi DOST kehlaata hai.......

Har baat samajh jo jaata hai.....
           Lagta barson ka naata hai.....
Paane ko ek muskaan hai jo.....
            Khud hanske bhi ro jaata hai.....
Ek aansu bhi gar aa jaaye.....
            To seene se lag jaata hai.....
Hai saath mere aur paas bahut.....
            Ek yahi dost kehlaata hai.....

Hai saath mere har waqt sada.....
            Is dil ko wo bhaa jaata hai.....
Jo yaar mera har baar kahin.....
            Chhipkar bhi saath nibhaata hai.....
Yahin Zindagi Yahin Bandagi.....
            Yahin saath hai meri dosti.....
Hai saath jiske har khushi zindagi.....
            Yahi meri hai yahi dosti................... 
          Hai saath jiske har khushi zindagi.....
                     Yahi meri hai yahi dosti................... 

Tanha Dil Tanha Safar...

Tanha dil tanha safar.....
                     Kat ti nahi ye zaalim dagar.....
Sochti hai meri chaahat.....
                     Bahut chaahat hai magar.....
Door hona meri khushi hai.....
                     Bas dard hai use.....
Is dard ke aage mere.....
                     Kuch kehta hoon agar.....
Hat jayega naqaab.....
                     Jharenge aankhon se shabaab.....
Sach aa jayega mera saamne.....
                     Honge roobaroo mere khwaab.....
Tabhi door rehta hoon.....
                     Dard khushi se chhipaye.....
Kasautiyon ko sekhta hoon.....
                     Par kahin moti na jhar jaaye..... 
Doori munasib lagti hai.....
                     Dil fir bhi pal-pal rota hai.....
Yahi haal kisi ka hota hai......
                      Jab pyaar kisi ka khota hai.....
Kehta hai  "ANSH" yahi.....
                      Ek baat aaj keh jaata hoon.....
Dil mein hai pyaar athaah mere.....
                      Par tanha aaj reh jaata hoon.....
Ye meri baatein meri kahaani.....
                      Meri zindagi meri zubaani.....
Lagti hai badi khush-haal sada.....
                       Par sooni hai ye zindagani.....
Sochti hai meri chaahat.....
                       Bahut chaahat hai magar.....
Tanha hai ye dil , tanha hai safar.....
                       Na jaane kaise kategi ye zaalim dagar.........

Passing by...

   


   Amidst of the cries & sorrow & pain.....
               Waiting for someone but seems to be in vain.....
   For life for love,whatsoever I dis.....
               Alas ! I found myself in a bid.....
   Trying to just get rid out of it.....
               Donno how I just fell into it.....
   With all my valour,with all my will.....
               It went off away thereafter spill.....
   For whom I called,to whom I seen.....
               Whoever I thought profounded to be mean.....
   Then thought for a while and closed my eyes.....
               Got far from this hate,and away from cries.....
   Lived off the edge, to chase and i tried.....
               But lost it all as now my passion died.....
   Away from the liers, away from such foolss.... 
               Away from the miseries where mystery rules......
   Leaving all behind, noone stopped me neither I try....
               Now I am a traveller just PASSING BY................:):):)