SUKOON...

 SUKOON.....

Ek pal khud me palta hai..rok dena chahta hu mai.....
Khwaab toot jayenge saare...achche se janta hu main.....
Kuch badlaav ki chaahat mein sapnon ko maarkar.....
Bhar gaya hu in bojhon se...SUKOON chahta hu main.....

Jaana chahta hu is raenbasere se..raat kaatna chahta hu mai.....
Kitni lambi hai raat ye...subah dekhna chahta hu mai.....
Har raat ke baad fir nayi raat se thak gaya hu ab.....
Kab se karvatein hain bas...achchi neend chahta hu mai.....

Khud ko kho diya hai shayad..dhoondna chahta hu mai.....
Apne khaalipan ki mehfil ko...kisi ka pyaar chahta hu mai.....
Uske pyaar ki bechaini hai aankhon mein.....
SUKOON se markar SUKOON se jeena chahta hu mai......