Uthta Dhuaan.....

Uthta Dhuaan.....

Haseen si ek shaam me tehalte...

    Maine ek bachche ko dekha...

        Nanha sa gareeb se paas ki ek basti ka...

Har roz subah aur shaam bas karte hue kaam...

     Bas hansta hi maine use dekha...
Desh ki gareebi ka ek aam namuna...
    Aakar mere paas mujhse ye kehta hai...
       Ki saahab chai piyoge...
          Aur mera dil dhadak uthta hai...
Us nanhi si jaan ke peeche main yunhi chal pada...
    Aur uski raat ki neend ka chain dekhkar...
        Mera dil khil utha...
Roz use wahan dekhne mein...
    Bas ek bahane se aa jata tha...
       Aur uski nishchal muskurahat se...
           Din mera ban jaata tha...
Ek din main baitha uska intazaar karte raha...
    Aur uske naa aane par bas use hi yaad karta raha...
Agle din bhi jab wo na aaya...
     Tab mujhe uske ghar jaane ka khayal aaya...
         Par uske ghar jaane par mujhe...
            Dil dehlaane wala manzar nazar aaya...
Wahan nahi tha koi bhi ghar...
     bas sab kch jala hi nazar aaya...
         Kuch na samajh aaya mujhe...
             Ki kya hua, kaise hua....
Nazar aaya bhi to sirf aur sirf...
     " UTHTA DHUAAN HI NAZAR AAYA"
          " UTHTA DHUAAN HI NAZAR AAYA"